VIGAN CITY- Inbabawi ni Commission on Election (Comelec) spokesman James Jimenez ti immunan nga inbaga na inaig disqualification cases kontra kada Sen. Koko Pimentel kenni dati a Sen. Serge Osmeña III.
Ti eksklusibo nga interview ti Bombo Radyo Vigan, inlawlawag ni Jimenez a ti immuna nga inbaga na idi immun-una a nainterview ti Bombo Radyo Vigan ket kamali ta saan pay a naibasura ti kaso da Pimentel kenni Osmeña ta maiyur-uray pay laeng iti pinal a resolusyon ti korte.
Gapu ti dayta “provisional” pay laeng iti pannakairaman dagiti dua iti listaan dagiti nasurok pito pulo a senatoriables para ti May 2019 elections gapu ta mabalin pay a maikkat iti nagan da depende iti desisyon ti korte iti kaso a sangsangwen da.
Maipalagip a ti immuna nga interview ti Bombo Radyo Vigan, inbaga ni Jimenez nga inbasura da ti kaso kontra iti duwa a kandidato uray nu saan na pay a naawat iti summary ti desisyon.
Ti dua a disqualification case kontra ken ni Pimentel ket nagramot iti mapapati a dua a termino a panagserbi na idinto a ti saan a panagipasa ni Osmeña ti Statement of Contributions and Expenditures (SOCE) na idi napalabas nga eleksyon iti rason nu apay nga adda iti naipila a disqualification case kontra kenkuana.
