VIGAN CITY – Nalpasen iti naisayangkat a panagadal idiay ili ti Narvacan para iti baro a wagas iti panagadal dagiti estudyante a saandan a masapul iti agusar iti tablet wenno laptop tapno.
Iti pannaki-uman ti Bombo Radyo Vigan kenni Narvacan Mayor Luis Chavit Singson, nalpasen iti naisayangkat a pilot test iti nasao nga ili ken nasayaat ti resultana ta saanen a masapoul pay iti internet connection.
Innayon ti Mayor a babaen iti nadevelop da a sistema iti panagadal dakkel iti maitulong na iti intero a pagilyan no aprobaran ti Department of Education ta nabasbassit iti gastosen ti nasao nga ahensya.
Inlawlawag ti opisyal a saan nga agnegosyo isuna gapo iti ayat na a tumulong kadagiti amin nga agadadal iti intero a pagilyan. Nakaituding a kasarita ti Telecommunication Company ni Chavit ti DepEd inton umay a lawas tapno pagsaritaan iti singasing ti Mayor.
