--Ads--
Kinumpirmaran ti Department of Foreign Affairs ti pannakatay ti maysa nga overseas Filipino worker nga immuna a naipadamag a mapukpukaw kalpasan ti magnitude 7.7 a gingined idiay Myanmar idi Marso 28.
Segun ken ni DFA Usec Eduardo de Vega, nabigbig idi rabii ti bangkay ni Francis Aragon ken naipakaammon iti pamiliana.
Ni Aragon, agtawen iti tallopulo ket walo ket agtrabtrabaho kas Physical Education teacher iti nasao a pagilian.
Impasigurado ti DFA nga ituloyda ti agtrabaho ken mangnamnama para iti kinatalged dagiti tallo pay a nabatbati nga OFW a saan pay a nasarakan.
-- ADVERTISEMENT --
