VIGAN CITY – Adu dagiti Pilipino nga adda idiay United Kingdom iti naladingitan iti ipupusay ti Duke of Edinburgh a ni Prince Philip kas pinasingkedan ni Bombo International Correspondent Daisy Jesset nga adda idiay Cornwall, United Kingdom.
Iti pannaki-uman iti Bombo Radyo Vigan ken ni Jesset, arigna amin ket maladingitan iti ipupusay ni Prince Philip gapu iti panagtalinaedda iti nasao a pagilian.
Segun ken ni Jesset, uray pay agingga tallopulo laeng a tao wenno dagiti royal family laeng iti maipalubos a makakita iti bangkayna intonj punpon ket sigurado nga adu iti mapan iti ruar iti nakaimasayaganna tapno makipagladingit.
Innayonna pay nga inton Sabado April 17, 2021 iti naituding a pannakaitabon ti prinsipe ket patienna a no naitudingen ket saanen a masukatan pay.
Pinasingkedan met ti Briton nga asawa ni Daisy a ni Simon ket dakkel a pannakapukaw ken ni Prince Philip iti United Kingdom gapu kadagiti naipapayna ken ammona a maladingitan met ni Queen Elizabeth gapu ta saan makita ti kaaduan ti bangkay ti duke of Edinburgh gapu iti lockdown nga impaay iti covid-19 pandemic ta sursurotenda laeng iti maipapatungpal a protocol.
