VIGAN CITY – Magagaran dagiti Pilipino idiay Singapore a makakita ken ni President Ferdinand Bongbong Marcos para iti state visit-na iti nasao a pagilian.
Iti pannaki-uman ti Bombo Radyo Vigan ken ni Bombo International Correspondent Jordan Jobilado nga OFW iti Singapore ngem tubo manipod Pangasinan, yur-urayda iti signal iti embahada iti Pilipinas ta maaddaanda iti taripnong inton September 6 iti agdama a tawen.
Segun ken ni Jobilado, masapulda nga agkiddaw iti day-off wenno holiday para iti pannakipasetda iti idadar-ay ti presidente.
Maaddaan iti registration para kadagiti makadar-ay a Filipino Community ti embahada ta kas Partido Federal International Press Chairman ni Jobilado ket masapul nga agsaganada.
Kabayatanna, linagip ni Jobilado idi eleksyon pay laeng para iti National iti pagilian iti napalaus a panagbantayda kadagiti balota tapno saan a maulbod iti botos dagiti OFW ta arigna aminda nga adda iti nasao a lugar ket suportado ken ni President Marcos ket saanda a kayat a maipada iti dadduma a pagilian nga adda nagparikot iti rimmuar iti resultana.
