Nagballaag ti Embahada ti Pilipinas idiay Riyadh ken Konsulado ti Pilipinas idiay Jeddah kadagiti Pilipino iti Saudi Arabia gapu iti kumarkaro a tension iti nagbaetan ti Saudi Arabia ken dagiti rebelde a Houthi a kaalyado ti Iran.
Iti joint advisory-da, nabalakadan dagiti Pilipino nga agtalinaed iti uneg ti pagtaenganda no kasapulan, sumurot kadagiti pammilin ti lokal nga otoridad ken saan nga igganan dagiti makapadudua a banag wenno debris manipud kadagiti nalapdan a missile ken drone.
Nabalakadan met dagiti biahero a direkta a makikammayet iti airline-da tapno maammuan ti kasasaad dagiti flight, idinto a maallukoy ti publiko a liklikanda ti agiwaras kadagiti saan a beripikado nga impormasion.
Impasigurado ti embahada ken konsulado nga agtultuloy ti normal nga operasionda, kagiddan ti panawaganda nga agtalinaed a kalmado, naridam, ken ipangruna ti kinatalged iti ania man nga oras.
