VIGAN CITY – Impasigurado ni Bombo International News Correspondent Danilo Casallo a natalgedda a Pilipino nga adda idiay Moscow, Russia.
Iti pannaki-uman iti Bombo Radyo Vigan ken ni Casallo, dayta ket kalpasan iti taripnong kaduada iti sangapulo ket maysa a Filipino Community leaders ken sangapulon nga opisyal iti Embahada.
Kagiddan iti mapapasamak a krisis iti nagbaetan iti Ukraine ken Russia ket yamanen latta ni Casallo ta uray arigna kagudua laengen manipod ti dati a sweldona ket ti napateg kenkuana addaan pay laeng iti trabaho ta adun iti napukawan iti agdama.
Kagiddaan iti panangngina iti presyo ti produkto petrolyo iti pagilian ket nu maipapan iti presyo ti gasolina idiay Russia ket kinuna ni Casallo a limmaka iti ayanda ta nu ipada iti kuarta ditoy ket aggatad laeng iti P17.00.
