Binalakadan ti Philippine Embassy idiay Washington DC dagiti Pilipino idiay Jamaica nga agsagana iti umadani a Category 5 Hurricane Melissa, a maibilbilang a kapigsaan a bagyo iti lubong ita a tawen.
Segun iti embahada, maipangruna ti kinatalged dagiti Pilipino iti apektado a lugar, maal-allukoy dagiti agindeg nga idulin dagiti napateg a dokumento, ken agtalinaed nga updated babaen iti opisial a damag ken pakaammo ti gobierno.
Segun iti National Hurricane Center, manamnama a mangitunda iti layus, landslide, napigsa nga angin, ken storm surge ti bagyo idiay Jamaica, nangruna iti abagatan a kabaybayan.
Malaksid ti Jamaica, posible pay a maapektaran ti Haiti, Dominican Republic, Western Cuba, ken dadduma a paset ti Bahamas ken Turks, ken Caicos.
Iti agdama, adda tallo gasut a Pilipino idiay Jamaica.
