VIGAN CITY – Umaboten ti sangapulo ket lima a Pilipino iti naapektaran idiay Taiwan kalpasan ti magnitude 7.2 a ginggined idi April 3, 2024
Iti pannaki-uman ti Bombo Radyo Vigan ken ni Bombo International News Correspondent Robert Owen Ganado a mangibagi ti Migrante Taiwan, kaadoan a Pilipino a naapektaran ket dagiti adda iti factory ken domestic sector.
Segun ken ni Ganado, makarikriknada pay laeng iti aftershocks manipod napasamak ti ginggined ngem umab-abot laeng iti magnitude 3 wenno magnitude 4.
Linagipna iti pasamak ta mamaturog idi nagginggined ket nariing laeng ket saanna nga ammo ti aramidenna a gappuanan ti panagnerbyosna a rimuar iti pagdagdagusanna.
Nupay kasta kadagiti agindeg nangruna idiay Hualien County a nagsentroan ti ginggined ket saan pay laeng a nakasubli kadagiti pagtaenganda ta manarimaan pay laeng ti assessment isu nga agtaltalinaedda kadagiti evacuation centers.
VIDEO – BOMBO INTERNATIONAL NEWS CORRESPONDENT ROBERT OWEN GANADO
