Nagisayangkat ti joint air ken naval patrol kas paset ti weeklong maritime exercise tapno papigsaen ti koordinasion idiay West Philippine Sea ti Pilipinas, US ken Japan, segun ti Armed Forces of the Philippines.
Segun ken ni AFP- Public Affairs Office chief Col. Xerxes Trinidad, daytoy ti umuna a gundaway nga immabot ti joint air patrol idiay Luzon Strait ken naisayangkat ti naval maneuvers iti asideg ti Mavulis Island iti amianan ti Basco, Batanes.
Impakaammo met ti Philippine Navy nga adda nakitada a warship ti China ngem saan a nagbalin a lapped iti ehersisyo.
Inusar ti Philippine Navy ti BRP Antonio Luna (FF-151), kabayatan a ti Philippine Air Force ket nangipatulod ti FA-50 fighter jets, A-29 Super Tucano, C-208B utility plane, ken Sokol helicopter.
Ti met Philippine Coast Guard ket nangipatulod BRP Gabriela Silang, ti Japan ket P-3 Orion, ken ti US ken US Dewey ken P-8A Poseidon.
