Umuna ti Pilipinas iti listaan dagiti pagilian a nakapadas iti kangatoan a panagpangina ti presio ti langis sipud rimsua ti riribuk iti Iran idi Pebrero 23, 2026.
Maibasar iti Global Petrol Prices, umabot iti 81.6 percent ti ngimmatwan ti presio ti diesel iti pagilian ita a bulan ti Marso, kangatoan iti intero a lubong.
Sarunwen ti Nigeria a 78.3 percent ken Malaysia a 57.9 percent.
Ipakita ti datos a nakarkaro ti epekto ti world crisis iti merkado ti langis kadagiti Asian country, nangruna ti Pilipinas a mangnamnama unay iti imported a suplay.
Innayonna a ti agtultuloy a panagkapsut ti piso a bimmaba iti P60.23 kada dolyar ket nangpakaro iti dagsen ti presio ti petrolyo, nga ita ket ad-adda a marikna dagiti aggatang ken negosio iti inaldaw nga operasionda.
