--Ads--
Nagbalaag ti Department of Environment and Natural Resources (DENR) a sumangsango ti Pilipinas ti posible a water bankruptcy a naparpardas ti konsumo ti danum ngem ti kabaelan ti aglawlaw a daytoy ket mapunno.
Iti briefing mainaig iti World Water Day 2026, pinasingkedan ni Environment Secretary Juan Miguel Cuna a kumarkaro ti agwat iti suplay ken demand ti danum iti pagilian.
Innayon ti opisial nga agtultuloy ti panangipatungpal ti gobierno kadagiti programa a suportado ti P485 milyon a pondo a manamnama a magunggonaan dagiti nasurok 440, 000 a tattao.
Iti agdama, umabot iti 405, 000 nga umili ti matultulongan katukad ti maysa a porsiento ti mapatta-patta a 40 milyon a Pilipino a kurang iti access na iti nadalus a danum.
-- ADVERTISEMENT --
