VIGAN CITY – Sinigurado ni President Ferdinand Marcos Jr. a saan nga agaramat ti pwersa ken pammutbuteng iti pagilian idiay West Philippine Sea.
Ti sarita ti president ket gapu iti insidente a napasamak idi June 17, 2024 a nangipakitaan iti China ti agresibo nga aksyon kontra kadagiti tropa iti Pilipinas.
Segun ken ni Marcos, saan nga agresulta ti panagaramat ti pwersa wenno pammutbuteng ti Pilipinas iti pagin-innagawan a teritoryo iti West Philippine Sea.
Impaganetget ti president a saan a rumbeng a ti Pilipinas ti rason ti rinnupak ta ti kangrunaan a gagem ti gobierno ket mangted ti naannayas ken nadur-as a biag iti tunggal Pilipino.
Inallukoy ti president dagiti suldado nga ituloy dagiti sinapataanda a mandato a salakniban ken depensaran iti pagilian.
