Pormalen nga inawat ni Presidente Ferdinand R. Marcos, Jr. ti akem kas baro a presidente ti Association of Southeast Asian Nations (ASEAN) kalpasan nga impasa ni Malaysian Prime Minister Anwar Ibrahim ti ASEAN Chairship gavel kenkuana iti naisayangkat a closing ceremony ti 47th ASEAN Summit.
Napasamak ti seremonya idiay Bangkok, Thailand a nakipasetan dagiti lider ti ASEAN tapno mapagpapatangan dagiti napateg nga isyu ti rehiyon, pakairamanan ti seguridad, ekonomiya, ken kooperasion.
Nagyaman ni presidente Marcos iti talek nga impaay iti Pilipinas ken impasiguradona ti dedikasionna iti panangitandudo ti kappia, progreso, ken panagkaykaysa iti Southeast Asian.
Ti Chairship ti ASEAN ket kada-tawen nga akem ti maysa a pagilian a karaman iti organisasion, gagemna nga idauloan iti panangipatungpal ti adbokasia ken papigsaen ti relasion dagiti kamengna a pagilian.
Naudi nga indauloan ti Pilipinas ti ASEAN Chairship idi 2017 ket nagbalin a sentro ti inclusive growth, maritime security, ken regional connectivity. – Reynand Fontejon
