Nangrugin a makaawat ti Pilipinas ti humanitarian ken disaster relief aid manipud iti sumagmamano a pagilian kalpasan ti panagduprak ti bagyo Uwan.
Segun ken ni Presidential Communications Office Undersecretary ken Palace Press Officer Claire Castro, nagpanawagan dagiti kadua a pagilian ti Pilipinas kas ti Estados Unidos, Japan ken India a mangipaay da ti tulong para kadagiti biktima.
Kabayatanna, imbilin met ni Presidente Ferdinand Marcos Jr. ti round-the-clock relief ken rehabilitation efforts para kadagiti lugar a naapektaran ti Bagyo Uwan.
Innayon pay ni Castro a nangipasdek ti gobierno ti channels kadagiti foreign partners a pakairamanan ti defense ken humanitarian agreements tapno tumulong iti panangsigurado ti napaspas a deployment ti tulong.
