Impaganetget ni Armed Forces of the Philippines Chief of Staff General Romeo Brawner a nakasagana a lumaban iti Pilipinas kadagiti agpanggep a mangsakup iti teritoryo iti pagilian.
Dayta ket iti baet ti karit a sangsangwen iti Pilipinas kontra China kangrunaan iti isyu iti West Philippine Sea.
Segun kenkuana, adayon ti nadanon iti pagilian nu maipapan ti panangsalaknib gapu iti modernisasyon ti AFP.
Kinunana a nu bilang adda mangsakup iti Pilipnas ket masapul a lumaban ken siguradoen a mapasakitan dagiti agpanggep nga agsakup.
Patienna a madepensaran iti pagilian babaen kadagiti kabaroanan nga alikamen nga inaprubaran ni President Ferdinand Marcos Jr. ken dakkel ti inlatang iti gobierno para ti maikatlo a paset ti modernisasyon ti AFP para ti comprehensive archipelagic defense concept.
Manamnama pay dagiti magatang nga ad-adu a barko ken warships ken jet fighters.
Impanakkelna pay nga iti salinong ti modernisasyon ket adda radar defense system, surveillance system ken missile system a kabaelanna a mangpalned ti barko.
Masansanay payen dagiti suldado ti cyber welfare tapno agbalinda a cyber warriors.
