Posible a mapilitan nga agutang iti Pilipinas iti nasurok-kumurang P260 billion gapu iti pannakataktak dagiti foreign-assisted infrastructure projects nga addan ti loan funding-na kas pinasingkedan ni Caloocan 2nd District Rep. Edgar Erice.
Segun ken ni Erice, sumagmamano kadagiti kangrunaan a proyekto a naapektaran ket ti Metro Manila Subway ken ti Philippine National Railway (PNR) elevated railway a naipasidong iti unprogrammed appropriations iti 2025 national budget.
Ti nasao a klase ti pondo ket mabalin laeng nga aramaten no adda sobra a sapul iti gobierno.
Kinuna ti agpampanday linteg, ti Metro Manila Subway ket orihinal a target a makumpleto inton 2028.
Kabayatanna, gapu iti panangiyakarda iti unprogrammed funds ken dagiti parikot ti right-of-way acquisition, manamnama a mataktak ti panagleppasna agingga 2030.
