Manamnama a ngumato ti chicken imports ti Pilipinas iti 780,000 metric tons inton 2027, segun iti US Department of Agriculture, gapu iti pimmigsa a demand manipud iti food manufacturing ken food service sectors.
Nangatngato daytoy iti 14.7 percent ngem iti revised estimate a 680,000 metric tons para iti 2026 idinto a manamnama nga agtalinaed a kangrunaan a supplier ti Brazil gapu iti competitive a presiona.
Kabayatanna, manamnama a ngumato ti local chicken production iti 1.92 million metric tons iti sumaruno a tawen manipud iti mapatta-patta a 1.82 million metric tons ita a tawen.
Segun iti USDA, makatulong iti panagpangato ti lokal a produksion ti pannakapalawa ti poultry farms, panagaramat iti episiente a teknolohia ken agtultuloy a panangliklik kadagiti dadduma a hog raiser iti produksion gapu iti epekto ti African swine fever.
