Makipatang ti gobierno iti Iran tapno mapalubosan a makadalan iti Strait of Hormuz dagiti barko a mapan ditoy pagilian iti baet ti agtultuloy a riribuk iti Middle East.
Segun ken ni Palace Press Officer Atty. Claire Castro, nagtaripnong idi kalman ti Uninterrupted, Power, Logistics and Fuel for Total Recovery o UPLIFT committee iti Malakanyang ken binilin ni Presidente Ferdinand Marcos Jr. ni Department of Foreign Affairs Secretary Maria Theresa Lazaro tapno makipatang iti ambassador iti Iran.
No saan a no bigat, ket inton sumaruno a lawas a maaramid ti taripnong ni Lazaro iti Iran Ambassador.
Gapu iti agtultuloy a riribuk iti nagbaetan ti Iran, Israel, ken Amerika ket sinerraan ti Iran ti Strait of Hormuz a dumaldalanan dagiti barko nga adda kargana a krudo iti nadumaduma a pagilian.
