Makipaset ti Pilipinas iti 4th Global Ministerial Conference on Road Safety idiay Marrakech, Morocco inton February 2025 kas impakaammo ni President Ferdinand Marcos Jr.
Ti addang ket kalpasan a nakitaripnong ni Marcos ken ni United Nations (UN) Secretary – General’s Special Envoy for Road Safety Jean Todt idiay Malakanyang idiay Manila bayat ti panagsaritana maipanggep ti progreso iti road safety iti pagilian.
Segun ken ni Marcos, ti istratehiya ken masangwanan a tignay iti administrasyon ket pasayaaten ti road safety iti pagilian kas mayataday iti UN’s Global Plan para ti Decade of Action for Road Safety 2021-2030 a gagem a makissayan ti traffic deaths ken injuries inton 2030.
Kinunana a dagiti kalsada a maaramid ket agbalin a natalged para kadagiti umili.
Maisayangkat ti global road safety conference idiay Morocco inton February 18 agingga 20 tawen 2025 tapno i-assess ti progreso a naaramid iti panangisayangkat ti Global Plan 2021-2030 bayat ti initial five-year period tapno i-generate iti suportar para iti baro a sirmata ti safe ken sustainable mobility.
