Makikamkammayet ti Pilipinas iti United States authorities tapno salakniban iti karbengan dagiti Pilipino nga imbalud ti Immigraton and Customs Enforcement (ICE) agiddan ti nainget nga immigration crackdown iti Trump administration.
Segun ken ni Foreign Affairs Spokesperson Angelica Escalona, agtaltalinaed ti Department of Foreign Affairs (DFA) babaen ti Philippine Embassy ken Consulates General iti Amerika iti pannakikammayetda tapno matulongan dagiti Filipino nationals a masigurado ti pagsayaatan kenmayataday iti linteg ken international standards iti pannakatratoda.
Ti sarita ket kalpasan nga inakusaran ti US-based Filipino civil rights advocates iti Philippine Embassy in Washington, DC ti panagbalinda a bulsek kadagiti pakaammo ti medical neglect iti uneg ti detention centers nga ayan dagiti Filipino nationals.
Innayon ni Escalona a nainget a monmonitoren iti gobierno iti sitwasion dagiti Pilipino iti nasao a pagilian ken ibingay laeng dagiti impormasyon nu naipakada.
