Plano ti Pilipinas ken Vietnam a papigsaen ti military ken defense ties kagiddan ti ngimmato a hostility iti China iti West Philippine Sea.
Segun ken ni Defense Secretary Gilberto Teodoro Jr., agpirmanto kaduana ni Gen. Phan Van Giang ti defense cooperation agreements bayat ti naituding a panagbisita ti heneral iti pagilian.
Maipalagip nga idi Enero ket bimmisita idiay Vietnam ni President Ferdinand Marcos Jr. ket nagtulag dagiti dua a pagilian a pasayaatenda iti pannakikammayet iti West Philippine Sea ken solbarenda a nakappia dagiti insidente iti kabaybayan.
Innayon ti Defense Chief a nagpirma ti defense cooperation agreement kadua iti Singapore idi Hulyo ken namnamaenna iti ad-adu pay a pannakikammayet kadua iti dadduma a Southeast Asian nations.
