Nagtulag da President Ferdinand R. Marcos, Jr. ken Vietnamese Prime Minister Pham Minh Chinh maipanggep iti panangpapigsa iti kammayet iti Pilipinas ken Vietnam maipanggep iti ekonomia, seguridad, ken food supply iti intero a rehiyon.
Napasamak iti taripnong iti dua a lider iti sidelines ti 47th ASEAN Summit idiay Kuala Lumpur, Malaysia, ket agpada nga intakder iti dua a pagilian iti panagtinnulong iti baet dagiti karit iti ekonomia ken suplay iti taraon.
Nagyaman ni Presidente Marcos, Jr. iti tulong ti Vietnam iti Pilipinas kangrunaan idi panawen nga agkurang ti suplay iti bagas gapu iti kalgaw.
Kinuna ti presidente a dakkel a banag ti tulong ti Vietnam tapno mapagtalinaed nga umanay iti taraon dagiti Pilipino.
Nagpatangan pay dagiti dua a lider iti panangpapigsa iti bilateral strategic partnership ken dagiti aktibo a kammayet iti ekonomia iti baet dagiti isyu a sangsangwen iti rehiyon.
Iti taripnong idiay Vietnam ket paset ti serye iti bilateral meetings ni Presidente Marcos, Jr. iti ASEAN Summit, a nakasaritaanna dagiti lider iti Cambodia, Thailand, Canada, European Union, ken Japan.
