NAGPIRMA ti Pilipinas ken South Korea iti katulagan a mangiduron iti feasibility study maipapan iti Bataan Nuclear Power Plant (BNPP).
Nasaksian da Presidente Ferdinand ”Bongbong” Marcos Jr. ken South Korean President Yoon Suk Yeol ti pannakaidatag dagiti napirmaan a katulagan.
Agtultuloy ti namnama ni Marcos no maipapan iti Bataan Nuclear Power Plant, maysa a proyekto idi panawen ti administrasion ti pimmusay nga amana a ni Ferdinand Marcos Sr., nasurok a tallo a dekadan a naitantan.
Idi 2023, inyebkas ti South Korea ti interesna a makipaset iti joint feasibility study iti BNPP.
Manipud idi nangrugi ti kinapresidentena, kayat ni Marcos a maadaptar iti nuclear energy kas paset ti energy source ti pagilian.
Maipalagip nga idi 1976 idi imbilin ni Marcos Sr. ti pannakaibangon ti $2.3-billion a BNPP, ngem naipasardeng ti proyekto gapu iti safety concerns.
