Pinatibker ti Pilipinas ken Cambodia ti commitment da tapno mapapigsa ti pannakitinnulongda tapno labanan ti human trafficking.
Dayta ket kalpasan a lineppas dagiti dua a pagilian ti high-level discussion mainaig ti panagisuro ti best practices ken panangpainget ti pannakitinnulong ti rehiyon tapno matignayan dagiti patangan maipanggep ti human trafficking ken mapapasamak a krimen kas ti trafficking para ti forced criminality iti scam hubs.
Segun ken ni Presidential Communications Office ken Palace Press Officer Claire Castro, ti Regional Dialogue ken Knowledge Exchange iti nagbaetan ti Pilipinas ken Cambodia ket inorganisa ti Inter-Agency Council Against Trafficking a ti agbalin a chairman ket ti Department of Justice babaen ti pannakitinnulong ti Cambodian National Committee for Counter Trafficking.
Ti inisyatiba ket tignay iti bilin ni President Ferdinand Marcos Jr. a papigsaen ken patibkeren ti regional cooperation tapno salakniban dagiti biktima ti human trafficking, labanan dagiti sindikato ken siguradoen ti borders iti pagilian.
Maipalagip a pagan-annaden ti Department of Foreign Affairs (DFA) dagiti Pilipino kontra kadagiti makapadudua nga overseas jobs kalpasan a napaawid iti pagilian dagiti duapulo ket innem a Pilipino manipod Oddar Meanchey Province, Cambodia.
