Manarimaanen ti panangiproseso iti pagilian iti panaggatang ti ad-adu pay a BrahMos missiles kas pinasingkedan ni Pres. Ferdinand Marcos Jr.
Segun ken ni Pres. Marcos, nakasaritanan dagiti opisyal ken tattao nga agop-operate iti BrahMos system ket pinasingkedanda a kasapulan pay iti ad-adu iti pagilian.
Pagyamanan ni Marcos a saan pay met a naaramat ngem manipod iti demostrasyon a naimatanganda, manipod iti panagsanay iti India ken Pilipinas ket nakitana a confident-da iti equipment.
Inlawlawagna a dagiti nasao nga assets ket paset ti panagmoderno iti sektor ti military ken panagtignay kadagiti karit ken tensyon iti rehiyon, ngem saan a para iti panagsagana iti rinnupak.
Idi laeng Abril 2024 ket kinumpirmaran ti Indian government a balligi iti pannakaipatulod ti umuna a batch ti BrahMos supersonic cruise missiles iti pagilian.
