
Agtultuloy a mangnamnama ti Pilipinas iti imported sugar gapu ta nababa latta ti lokal a produksion ti asukar, segun iti University of Asia and the Pacific-Center for Food and Agri Business (UA&P-CFA).
Umabot iti 55 agingga 60 a tonelada laeng kada ektarya ti average sugar productivity ti pagilian, adayo iti target a 75 a tonelada gapu iti kinakurang ti high-yielding varieties, peste ken sakit, kasta payen ti tradisional a wagas ti panagtalon.
Mapatta-patta nga 80 a porsiento laeng iti suplay ti asukar ti aggapgapu iti lokal a produksion, idinto a manamnama a bumaba pay daytoy iti saan a nababbaba ngem iti 10 a porsiento ita a tawen, katukad iti 1.66 milion a metriko tonelada gapu iti epekto ti El Niño ken pest infestations, segun iti Sugar Regulatory Administration.
Naisingasing pay ti modernisasion kadagiti sugar mill, panagaramat iti de-kalidad ken disease-resistant nga unas, panangpasayaat iti imprastraktura ken ad-adda a panangaramat kadagiti by-product tapno mapapigsa ti lokal nga industria ti asukar.










