Pilipinas, agtaltalinaed nga adda iti maika-52 a ranggo iti world competitiveness ranking

VIGAN CITY- Napagtalinaed ti Pilipinas ti ranggona idi napan a tawen ti competitiveness ranking iti intero a lubong  kas pinasingkedan ti Switzerland-based Institute of Management Development.

Iti 2024 World Competitiveness report, adda iti maikalimapulo ket dua a puesto ti Pilipinas manipud iti 67 economies iti intero a lubong.

Inaig dayta, nailanad  iti IMD report a nangato ti ranggo ti Pilipinas iti biang ti Employment (10^th), Tax policy (15^th) ken Domestic Economy (27^th).

Nupay kasta, “less competitive” ti Pilipinas  iti biang ti Business Legislation (60th), Basic Infrastructure (62nd), ken Education (63rd).

 Iti pakabuklan a report, ti pagilian a Singapore ti naibilang a “most competitive economy” iti intero a lubong ita a tawen , sarunwen ti Switzerland ken Denmark.