--Ads--
Agexport ti Pilipinas iti 200 a kilo ti presko a mangga manipud Guimaras a mapan idiay Hong Kong, Belgium, ken Netherlands.
Paset daytoy iti kalikagum ti Department of Agriculture a mapadur-as ti world market para kadagiti agriculture products ti pagilian.
Dagiti mangga ket naggapu iti Kokomojo Mango Farm ken dimmalan iti nainget a surveillance tapno masigurado a makasurot daytoy kadagiti pagannurotan ti sangalubongan no mainaig iti kinatalged ti taraon ken salun-at ti mula.
Segun ken ni Sec. Francisco Tiu Laurel Jr., makatulong ti panaglukat ti baro a merkado tapno maingato ti pastrek dagiti mannalon, makaaramid iti trabaho, ken mapapigsa ti industria ti agrikultura iti pagilian.
-- ADVERTISEMENT --
