All set iti Pilipinas iti panag-host ti International Conference on Women Peace and Security manipod October 28 agingga 30 tapno ipaganetget ti commitment iti pagilian a tumulong, ital-o, salakniban ken i-empower dagiti babbai iti intero a lubong kas pinasingkedan ni presidential peace adviser Carlito Galvez Jr.
Paset iti Office of the Presidential Adviser on Peace, Reconciliation and Unity ken ti Department of Budget and Management iti tallo nga aldaw a conference.
Maitampok iti conference ti two-high level panels a mang-assess iti implementasyon iti Women, Peace and Security agenda ken uppat a thematic discussions iti polisiya ken practical aspects iti implementasyon ti agenda.
Maisayangkatto pay ti special forum iti multi-stakeholder ken cross-regional partnerships, parliamentary roundtable dialogues iti panag-advance ti WPS agenda ken duapulo ket tallo a confirmed side events, kasta payen ti exhibits babaen ti local ken international institutions ken organizations.
Innayon ni Galvez a kinumpirnaran ti state representatives ken civil society organizations manipod pitopulo ket tallo a pagilian iti pannakipasetda ti International Conference on Women Peace and Security, babaen iti sangapulo ket siam a ministers, pakairamanan ti United Nations Deputy Secretary-General Amina Mohammed.
