--Ads--
Karaman ti maysa a Pilipina kadagiti kinemmeg ti Immigration and Customs Enforcement (ICE) idiay Amerika iti operasyon idi bisperas ken aldaw iti Baro a Tawen.
Binigbig ti US Department of Homeland Security ti Pilipina a ni Karen Empaynado a datin a nasentensyaan ti burglary, grand theft, ken battery idiay Deltona, Florida.
Karaman pay kadagiti nakemmeg dagiti illegal a gangannaet manipod Mexico, Honduras, Jamaica, Dominican Republic ken Cuba. Amin a nakemmeg ket naidalan iti removal proceedings.
Maibasar iti listaan ti Department of Homeland Security, nasurok kagudua a million nga illegal a gangannaet ti karaman dagiti undocumented Filipinos iti nakemmeg manipod January 20 agingga December 10, 2025.
-- ADVERTISEMENT --
