--Ads--
Agpada a nadadael ti maysa a traysikel ken pickup kalpasan nga aksidente a nagsanud ti pickup ken naidungpar iti traysikel nga adda iti likudanna idiay Barangay San Antonio, Narvacan, Ilocos Sur.
Ti motorsiklo ket minaneho ti lalaki nga agtawen iti tallopulo ket innem, taga-Barangay Marcos, Santa.
Ti met pickup ket minaneho ti lalaki nga agtawen iti pitopulo ket uppat, taga-Barangay Bacsayan, Sta. Cruz.
Maibasar iti CCTV footage, sarsarunwen ti pickup ti traysikel ken agpada a nakasardeng dagiti lugan ta yur-urayda nga agsukat ti traffic light.
-- ADVERTISEMENT --
Bayat a naka-red ti silaw, aksidente a nabaddekan ti drayber ti pickup ti silinyador bayat a naka-reverse ti lugan, isu a nagsanud daytoy ket nadungparna ti traysikel nga adda iti likudanna.
