--Ads--
Naituding a bumisita iti Pilipinas inton Oktubre ti pickleball world no. 1 a ni Anna Leigh Waters para iti Franklin Asia Pickleball Showcase.
Ti Pilipinas ti napili nga umuna a destinasion ti world showcase sakbay a mapan idiay Malaysia, Hong Kong, ken Vietnam.
Segun kadagiti organizer, karaman ti Pilipinas kadagiti pagilian a napaspas a dimmur-as ti pickleball, ta nairekord ti 1,213% year-over-year growth rate.
Manamnama nga agbalin nga inspirasion kadagiti lokal nga atleta ti panagbisita ken panagay-ayam ni Waters, nangruna ta umad-adu dagiti mangay-ayat iti pickleball ditoy pagilian.
-- ADVERTISEMENT --
