VIGAN CITY – Nagdinungpar ti maysa a motorsiklo ken Pick-up idiay Brgy. Ayudante, Candon City.
Nabigbig ti nagmaneho iti Yamaha Mio a ni Lester Tilan, agtawen iti duapulo ket lima, naasawaan, security guard nga agnaed idiay Poblacion, Galimuyod kaduana ni Sea Jay Sumer Santiago, agtawen iti duapulo ket lima, baro, awan iti trabahona nga agnaed idiay Sto. Tomas, Candon City idinto a ti nagmaneho iti Nissan Navara Pick-up ket nabigbig a ni Ferdinand Digan Abellera, agtawen ti uppat a pulo, naasawaan nga agnaed idiay Poblacion, Sugpon.
Maibasar iti inisyal nga imbestigasyon dagiti pannakabagi ti linteg, naggapo iti daya a direksyon ti nakamotor nga agturong iti laud idi bigla a nadungpar iti pick-up nga agpabagatan a direksyon a gappuanan iti pannakadunor dagiti nakalugan iti motorsiklo.
Naipan iti Candon City Hospital dagiti naglugan ti motorsiklo para iti pannakatamingda idinto a saan a nadangran dagiti naglugan ti Pick-up.
