--Ads--
Napilaan ti reklamo ni Davao City Rep. Paolo Duterte iti Department of Justice (DOJ) maiaig iti mapapati a panangdangran ken panangpangtana ti maysa a lalaki iti maysa a bar iti nasao a siudad idi Pebrero.
Dayta iti kinumpirmaran ti prosecutor general a ni Richard Anthony Fadullon.
Maibasar iti napirmaan a sarita ni Kristone John Moreno a nairuar idi kalman, dinangran ken binutbuteng isuna ni Duterte iti laksid nga awan ti ginnurada wenno aniaman a saan a pagkinaawatan.
Iti video ti insidente, mapapati nga adda iggem a patadem ni Duterte.
-- ADVERTISEMENT --
Kinuna ni Moreno nga umuna a gundawayda pay laeng a nagkita ken ni Duterte.
Gapu dayta ket physical injuries ken grave threats iti naireklamo iti kongresista.
Saan pay a nagsarita ti kampo ni Duterte iti isyu.
