VIGAN CITY – Kaso a panaglabsing iti Presidential Decree 1602 wenno Anti Illegal Gambling ti sangwen dagiti tallo a nagsusugal idiay Brgy Patpata 2nd, Candon City.
Nabigbig dagiti suspek a da Eliza Carnetes Boñol, agtawen iti pitopulo ket lima a taga-Sabuanan, Sta. Lucia; Tin Tin Mangay-ayam Gacutan, agtawen iti duapulo ket lima a taga-Patpata 2nd, Candon City ken ni Bea Naco Morales, agtawen iti uppat a pulo ket siam a tubo ti Balibago, Angeles City, Pampanga ngem agnaed ita iti Brgy Ayudante, Candon City.
Nangiwayat dagiti pannakabagi ti linteg iti anti –illegal gambling operation iti nasao a barangay ket naaktuan dagiti suspek nga agtotong-its ken naala kadakuada ti pusta a PHP76 ken gambling paraphernalia.
Naipanen dagiti suspek iti Candon City Police Station pakairamanan dagiti naala kadakuada nga ebidensya tapno maidalan iti husto a proseso
