Inaprobaran ni President Ferdinand “Bongbong” Marcos Jr. ti naisingasing a P6.352-trillion a National Expenditure Program (NEP) para inton tawen 2025.
Segun ti Presidential Communications Office, ti nasao a national budget ket mangsuporta kadagiti Philippine Development Plan 2023-2028 ti administrasion.
Babaen ti naisingasing a National Expenditure Program, makaawat ti kadakkelan a share dagiti ahensia a pakairamanan ti Department of Education, state universities and colleges, Commission on Higher Education, ken Technical Education and Skills Authority; Department of Public Works and Highways; Philippine Health Insurance Corporation; Department of the Interior and Local Government; Department of National Defense.
Dagiti met dadduma a government top priorities ket Department of Social Welfare and Development; Department of Agriculture, Department of Agrarian Reform; ken Department of Transportation.
Kabayatanna, kinuna ti Department of Budget and Management nga iti ultimate goal ti administration ket ti pannakagun-od iti social ken economic transformation.
