VIGAN CITY – Nangipaay ti League of Municipalities of the Philippines iti pakpakauna a limapulo a ribo a pisos a tulong kadagiti lugar a naapektaran iti bagyo Odette kangrunaan iti Visayas ken Mindanao.
Segun ken ni LMP President Mayor Luis Chavit Singson, napagnunumuanda nga ikkan ti limapulo a ribo a pisos dagiti lugar ken addanto pay sumarsaruno nga ipaayda kalpasan ti panangaprubarda iti budget ti nadumaduma nga ili.
Naimatanganda ti rigat dagiti residente idi napanda naglikmot kadagiti lugar a nabagyo kas idiay Siargao, Bohol ken Cebu isu nga impasigurado met ni Mayor Chavit a subliandanto pay ti Cebu tapno ipaayan ti tulong.
Maipalagip nga immaboten iti nakurang uppat a gasut ti pimmusay ken minilion a gatad ti nadadael iti sektor ti agrikultura ken imprastraktura.
