--Ads--
VIGAN CITY – Lima bilion a pisos ti mapukpukaw a pastrek ti gobierno gapu iti agtultuloy nga smuggling ken iligal a panagilako kadagiti vape products.
Pakadanagan dayta ti consumer group a Bantay Konsyumer, Kalsada, Kuryente ta ti mapatta-patta a consumption ti vape ket umaboten iti sangapulo ket tallo a bilion a pisos.
Immunan nga inamin ti Bureau of Internal Revenue a ti immadu nga agar-aramat kadagiti vape products ket maysa kadagiti rason no apay a bimmaba ti excise tax collection ti tabako.
Manarimaan met ita ti panangparmek ti gobierno iti iligal a panagilako ken smuggling kadagiti vape products babaen iti mandatory testing and registration ken ti imposition iti excise stamps.
-- ADVERTISEMENT --
