VIGAN CITY – 1,540 kilogram nga assorted marinated Chicken a nailugan ti Hino Reefer Van Ken aggatad ti Php423,451 ti nasalamaan dagiti kameng ti Tagudin Animal Quarantine.
Ti Driver iti Van ket nabigbig a ni Abraham Sytico Sibbaluca, agtawen iti tallopulo ket dua, residente ti 6642 Centennial 18 Nagpayong, Pasig City; idinto a dagiti helper na ket da Marvin Docejo Sanvictores, agtawen iti duapulo ket lima, residente ti Barangay San Isidro, Taytay, Rizal, ken Nelmar Lucero Santos, agtawen iti duapulo ket lima, residente ti Barangay Muntindilaw, Antipolo City, Rizal.
Segun Ken ni John Kevin Esperanza Castro, Project staff ti PVO, dagiti nadakamat a violators ket naglabsing ti Provincial Ordinance No. 15-06 series of 2015 gapu iti panagusar kadagiti palso a shipping permits; ken napaay a dimmalan iti inspection.
Dagiti violators ken meat loads ket adda itan iti kustodiya ti Tagudin Police Station para iti umno a dokumentasion ken disposition.
