VIGAN CITY – Sangapulo a baka nga aggatad iti PHP400,000 ti nasalamaan iti Animal Quarantine checkpoint idiay Barangay Bio, Tagudin, Ilocos Sur.
Dagiti baka ket nailugan iti Mitsubishi-Fuso Canter Dropside Utility Vehicle a minaneho ni Romeo Bartolome Dato, agtawen iti innem a pulo ket siam, taga-Barangay Dirdiig, Burgos, helper n ani Joker De Peralta Yao, agtawen iti sangapulo ket walo, taga-Barangay Poblacion Sur, Burgos ken ni Melvin Dato Andres, agtawen iti duapulo ket siam, taga-Barangay Poblacion Norte, Burgos.
Awan ti shipping permit dagiti kontrabando ken saan a nagpainspeksyon dagiti naglabsing.
Nupay kasta, dagiti violator ken kontrabando ken iggemen dagiti personnel ti Tagudin Animal Quarantine sakbay a maiturn over da iti Provincial Veterinary Office, Vigan City.
