VIGAN CITY – PHP4.8M a pisos iti gatad ti nasurok kumurang 24,500 a piraso ti fully grown marijuana ti pinarut ken pinuoran dagiti operatiba ti innem a cultivation site idiay Barangay Licungan, Sugpon.
Iti pannaki-uman ti Bombo Radyo Vigan ken ni PCAPT. Godofredo Ribuyaco iti Sugpon Municipal Police Station, kabayatan a mapmapan dagiti otoridad iti targetda a culitivation site, nakitada ti tallo a suspek a sumalsalog ngem idi inasikgan dagiti otoridad, isu met ti panagtarayda.
Nabigbig dagiti tallo a suspek nga agkakabsat a ni Sonny Lagdao, Raul Lagdao Taypew ken Jun Lagdao Taypew, nga agpapada nga agnanaed ti nasao a lugar.
Datin a subject ti search warrant ni Sonny Lagdao Taypew iti kaso nga illegal drugs ken RA 10591 Declaration Firearms and Ammunition idi tawen 2020.
Innayon pay ni Ribuyaco a naglaok dagiti klase ti Marijuana kas kuma iti Miracle nga uppat inngana lima a kadapan ken iti Traditional Marijuana nga isu dagiti dadakkel.
Nagbaallag ngarud ni Ribuyaco kadagiti tattao nga umasideg laeng wenno mapan agreport kadagiti kameng ti otoridad no adda makitkitada nga illegal a mapaspasamak kadagiti barangayda.