PHP36K a gatad ti nadumaduma a banag, natakaw manipud iti maysa a doktor iti ili ti Santiago

VIGAN CITY – Tallopulo ket innem a ribo a pisos a gatad ti nadumaduma a banag ti natakaw ken ni Jesson Cabrera, agtawen iti uppat a pulo ket uppat, doktor, tubo iti Sta. Catalina ngem agnanaed iti Barangay Ambucao, Santiago.

Segun iti biktima, alas kuatro iti malem idi kalman, December 3, impakaammo iti ipagna a ni Diana Rose ken ti dadduma a kameng ti pamiliada a nakitada ti maysa a saan a mabigbig a tao a nangitaray iti dua a bag a naiparabaw iti lamisaan nga asideg iti katrena.

Ti bag ket naglaon iti PHP18,000, IDs, diver’s license, ATM, maysa a cellphone, ken aritos nga aggatad iti 250 USD.

Nakastrek ken nakaruar ti suspek babaen iti saan a nakakandado nga arwangan iti likod a paset ti pagtaenganda.