VIGAN CITY – Mapatta-patta nga aggatad ti PHP30,000 a piesa ti bisikleta ti tinakaw dagiti innem a lallaki a nakalugan ti kurong-kurong iti bike shop idiay Barangay Bannuar, San Juan.
Personal a napan nagreport ti San Juan Police Station ni Jezley Duminicio Torda, agtawen iti tallopulo ket maysa, owner ti TTK Bicycle Shop, ken residente iti Brgy. Lira San Juan.
Iti pannaki-uman ti Bombo Radyo Vigan ken ni Police Major Benjamin Raquedan iti San Juan Municipal Police Station, addan iti person of interest-da, karaman ti napan iti store a timmulong ken nagdamag-damag kadagiti accessories nga isu ti napukaw.
Tallo a kadena, maysa a hub, ken rios ti bike dagiti natakaw.
Segun iti biktima, agarup alas otso y media ti bigat idi Domingo, nadlawmna a nadadael ti kandado ti store-na, ket idi simrek, nakitanana ti cabinet ken dagiti naka-display nga accessories ti bisikleta nga agkaiwara.
Dagus a nag-inventory isuna, ket nakatakuatanna nga adda mapukpukaw a piesa ken accessories dagiti bisikleta a lako da.
