VIGAN CITY – Aggatad iti dua gasut limapulo a ribo ti dimmapo kalpasan a nauram ti maysa a pugon ti tabako idiay Brgy Bagbagotot, Banayoyo.
Iti pannakipatpatang ti Bombo Radyo Vigan ken ni SFO1 Gilbert Aglibut ti Candon City Fire Station, ti pugon ket kukua ni Edwin Cudiamat, agtawen ti tallopulo ket lima, naasaaawan, mannalon ken agnaed ti nasao a lugar.
Kinuna ti opisyal nga nagtaud ti uram iti natnag a tabako ket idi napanda rimmesponden, dimmapo aminen ta tallopulo a minutos ti nagbalin a biaheda sakbay da a nadanun ti lugar ti nauraman.
Innayonna a sipud bulan ti Pebrero agingga iti agdama ket kaadwan a mairekrekordda nga uram ket dagiti pugon Isunga agpalpalagip ti opisyal a bantayan a nalaing dagiti umili dagiti pugon da tapno saan a masayang dagiti nagpuypuyatan ken nagrigrigatanda.
Inaig dayta, Naideklara a fired out ti uram iti alas kuatro disiyete ti malem idi kalman.
