--Ads--
VIGAN CITY – PHP15,000 ti mapatta-patta a gatad dagiti nauram a sanikua iti Sto. Domingo Municipal Hall idiay Barangay San Pablo, Sto. Domingo, Ilocos Sur.
Iti pannaki-uman ti Bombo Radyo Vigan ken ni Fire Inspector Edgar Quilana, natakuatanda a ti aircon iti accounting section ti munisipyo ti nagtaudan ti uram ta patienda a nabbasa isu a nagspark ken dimmarang agsipud ta agtudtudo idi mapasamak ti uram.
Maipalagip a maysa a concerned citizen ti nagreport iti Sto. Domingo Police Station nga adda napuskol nga asok a nakitana iti daya a paset ti municipal hall.
Dagus met a nagresponde dagiti kameng ti Sto. Domingo Police Station ken Sto. Domingo Bureau of Fire Protection ket nadepdepda ti apoy iti alas syete kwarenta y tres.
-- ADVERTISEMENT --
