VIGAN CITY- Personal nga inyawat ni Governor Ryan Singson ti gunguna iti tipster iti suspek iti pannakapapatay iti maysa a kapitan ti Barangay ti Vigan City, Ilocos Sur idi napan a tawen.
Nakemmeg idiay Pilar, Abra ni Archie dela Cruz, No.2 most wanted iti probinsiya iti Ilocos Sur a suspek iti pannakapapatay ni Brgy. Capt. Purisimo Dante Francisco iti Brgy.3, Vigan City.
Maipalagip a nakalugan idi iti tricycle ti kapitan ta agawid kuman iti pagtaengan da idi pinaltugan isuna iti suspek.
Idi napan a bulan ket immunan nga inted iti local a gobierno iti syudad ti Vigan ken Liga ng mga Barangay iti paset ti PHP250K a pakabuklan iti naipataw iti ulo ti suspek.
Inaig iti dayta ket namnamen ni Singson a babaen iti gunguna ket maguyogoy dagiti umili nga agipulong dagiti umili no adda iti ammo da tapno masolbar dagiti krimen iti probinsiya.
