VIGAN CITY – Sangagasut a ribo a pisos ti gatad ti nasurok kumurang lima gasut a piraso ti marijuana plants ti pinuoran dagiti operatiba idiay Sitio Nagawa, Barangay Caoayan, Sugpon.
Iti pannaki-uman ti Bombo Radyo Vigan ken ni PLt. Godofredo Ribuyaco, manarimaan ti panagisayangkatda iti Revitalized KASIMBAYANAN program idiay Sitio Nagawa, Barangay Caoayan, Sugpon idi impakaammo ti maysa a concerned citizen nga adda ti pagmulaan iti marijuana idiay Sitio Nagawa.
Dagus ti panagresponde ken nakikammayetda iti PDEA RO1 para ti pannakaparut, pannakauram ken pannakadadael dagiti marijuana plants.
Nupay kasta, addan ti pamalpalatpatanda iti nasao a banag nga isu ti naan-anay a duktalenda tapno makasoan no kas bilang matakuatan ti cultivator wenno nagmula iti nasao a marijuana.
Daytoy a police response ket mangipakita iti nairut a panagbinnulig ti PNP Sugpon ket ti komunidad babaen ti pannakaipatungpal ti kampanya kontra iligal a droga; ken ti Kasimbayanan Program.
