VIGAN CITY – Sangapulo a milion a pisos ti impaay ti Department of Agriculture a tulong kadagiti naapektaran a hog raiser iti African Swine Fever ditoy Region 1.
Iti pannaki-uman ti Bombo Radyo Vigan ken ni Gov Ryan Singson, impasiguradona a maipaimanto kadagiti apektado nga agtartaraken ti tulong ti gobierno gapu ti pannakalugida ta agtultuloy ti panangfollow up da iti nasao a banag.
Idiay San Pedro, Sta. Lucia ti naudin a nakairekordan ti probinsia iti kaso ti ASF ket namnamaen ti gobernador a babaen ti panagtitinnulong dagiti opisial ket makontrol ti panagraira ti virus.
Binilinna ni Provincial Quarantine Officer Martel Quitoriano a tiliwenda dagiti agipaspastrek ditoy probinsia kadagiti baboy ken meat products nga awan ti naan-anay a papelesda.
