--Ads--
VIGAN CITY – Maysa a saanen a nagpabigbig ti nangted iti dakkel a gatad idiay Barangay Vacunero, Sto. Domingo tapno matulongan dagiti agindeg iti nasao a lugar.
Segun kenni Barangay Captain Fermin Torda, saanna kayat iti agpainagan ti nagmensahe kenkuana a tao a nangibati iti sangagasut pito pulo a ribo a pisos (P170,000) a nabungon iti maysa a papel ken naipan iti likudan iti rebolto ni Mama Mary.
Nakailanad iti surat a ti nasao a gatad ket maigatang iti bagas ken maited kadagiti kalugaran ni Kapitan Torda a banag nga inaramidna met ken siniguradona nga amin ket makaawat iti tulong.
